დუშკაბინა თუ აბაზანა - რომელი ჯობს?

დუშკაბინა ჯობს აბაზანას თუ პირიქით, ეს საკითხი წლებია, განხილვის საგანია. მაინც რომელია უკეთესი? სწრაფი, ენერგიული საშხაბე კაბინა თუ დასვენებისთვის განკუთვნილი აბაზანა? ორივე მათგანს ჰყავს მომხრეები და მოწინააღმდეგეები, - ეს არცაა გასაკვირი. მოდი, ვნახოთ რა უპირატესობები და ნაკლოვანებები აქვს თითოეულს.

დუშკაბინის უპირატესობები

დროის ეკონომია - თანამედროვე ცხოვრების ტემპში დუშკაბინა იდეალური ვარიანტია. 5-10 წუთში შეგიძლია სრულყოფილად დაიბანო და მოემზადო დღისთვის.

წყლის დაზოგვა - ეკოლოგიური თვალსაზრისით, დუშკაბინა გაცილებით ეფექტურია. სტანდარტული საშხაპე დაახლოებით 10-25 ლიტრ წყალს ხარჯავს წუთში, ხოლო აბაზანის სავსებად 150-300 ლიტრია საჭირო.

ენერგიის ეფექტურობა - ნაკლები რაოდენობის ცხელი წყლის გამოყენების გამო, საშხაპე ნაკლებ ელექტროენერგიას ან გაზს ხარჯავს, რაც თვის ბოლოს თქვენს გადასახადებზე აისახება.

ჰიგიენა - საშხაპე კაბინაში ბინძური წყალი მაშინვე ჩაედინება, რაც უკეთეს ჰიგიენას უზრუნველყოფს.

გამაღვიძებელი ეფექტი - დილის შხაპი ცხადია, უკეთ გამოგაფხიზლებთ. ამასთან, ნაკლები დრო დაგეხარჯებათ აბაზანის ავსებასა და მოწყობაში.

აბაზანის უპირატესობები

რელაქსაცია - აბაზანა უნიკალური საშუალებაა სტრესის მოსახსნელად. ცხელი წყალი ხელს უწყობს კუნთების მოდუნებას.

დაჭიმულობის მოხსნა - იმ შემთხვევაში, თუ გაწუხებთ დაჭიმულობა, სამსახურში დამღლელი დღე გქონდათ და განტვირთვა გსურთ, ეს უებარი და საუკეთესო გამოსავალია. ცხელი აბაზანის მიღება ეფექტურად გაგათავისუფლებთ ყველა სახის დაჭიმულობისგან.

ჯანმრთელობა - ცხელი აბაზანა აუმჯობესებს სისხლის მიმოქცევას, ეხმარება ტოქსინების გამოდევნას და აძლიერებს იმუნურ სისტემას.

დროის გამოყოფა საკუთარი თავისთვის - აბაზანა იძლევა საშუალებას, დაუთმო დრო საკუთარ თავს, წაიკითხო წიგნი, იფიქრო ან უბრალოდ ისიამოვნო სიმშვიდით.

კანის მოვლა - წყალში ყოფნა ხელს უწყობს გამაგრებული და გაუხეშებული კანის დარბილებას, რაც განსაკუთრებით სასარგებლოა მშრალი კანისთვის.

სიტუაციების მიხედვით, შევიძლია ორივე კომფორტულად გამოვიყენოთ:

საშხაპე კაბინა იდეალურია:

• დილით, მაშინ, როცა გამოფხიზლება გვინდა და ბანაობისთვის დრო შეზღუდული გვაქვს;
• ვარჯიშის შემდეგ;
• სწრაფი გამოღვიძებისთვის;
• ყოველდღიური ჰიგიენისთვის;

აბაზანა კი მეორე მხრივ, შესანიშნავია:

• კვირის ბოლოს რელაქსაციისთვის;
• სტრესული დღის შემდეგ;
• მაშინ, როცა გარეთ ცივი ამინდია, სახლში კი დამატებითი კომფორტის შექმნა და განმარტოება გსურთ;
• რომანტიკული საღამოსთვის;

ესთეტიკა და დიზაინი

• თანამედროვე ინტერიერის დიზაინში ორივე ვარიანტი ბევრად უფრო დახვეწილი და მინიმალისტურია. მინის დუშკაბინები ხშირად ჰარმონიულად ერწყმის თანამედროვე ტიპის ბინებს, მაგრამ ძველ, ვიქტორიანული სტილის აბაზანებიც არანაკლებ მიმზიდველია.

როგორ მოვუაროთ საშხაპეს და სააბაზანოს

სწორიმოვლაარამარტოხელსუწყობსჰიგიენას, არამედსაგრძნობლადახანგრძლივებს ნივთის ვარგისიანობის ვადას, რაც დაგეხმარებათ იმაში, რომ თქვენი ავეჯი გამუდმებით ახალივით გამოიყურებოდეს.

მინის კედლები გაწმინდეთ ყოველდღიურად
გამოიყენეთ სპეციალური მინების საწმენდი სითხე ან ძმრისა და წყლის ნაზავი, რაოდენობით 50:50-ზე. გაითვალისწინეთ, რომ მინების ჭუჭყისა და ნადებისგან გათავისუფლება ხელს შეუწყობს სისუფთავეს და ჰიგიენას.

როგორ მოვუაროთ კაბინას - ძირითადი წესები

1. ყოველდღიური გაწმენდა:
   დუშის მიღების შემდეგ სასურველია, მინის ზედაპირის გადაპრიალება რბილი ტილოთი ან წყლის საწმენდით, რათა არ დაგროვდეს წყლის ლაქები და ნადები.
2. კვირაში ერთხელ ღრმა წმენდა:
   გამოიყენეთ სუსტი ძმრისა და წყლის ნაზავი ან სპეციალური საწმენდი სითხე მინისთვის. არავითარ შემთხვევაში არ გამოიყენოთ უხეში ღრუბლები ან ქლორიანი ხსნარები, რადგან ისინი აზიანებს მინასა და მეტალის ნაწილებს.
3. დრენაჟის მოვლა:
   თვეში ერთხელ ჩაასხით სოდა და დააყოლეთ ძმარი. შემდეგ დაასხით მდუღარე წყალი. ეს გაწმენდს მილებს და მოაშორებს სუნს.
4. ვენტილაცია:
   შხაპის შემდეგ დატოვეთ კარი ღია ან ჩართეთ სავენტილაციო სისტემა - ასე თავიდან აიცილებთ ობს და ტენიანობას.

როგორ მოვუაროთ განსხვავებული მასალისგან დამზადებულ აბაზანას?

აკრილის აბაზანები:

• გაწმინდეთ რბილი ღრუბლით და სპეციალური საშუალებით, რომელიც განკუთვნილია აკრილისთვის.
• მოერიდეთ აბრაზიულ ღრუბლებს და ქლორს - ისინი აზიანებს ზედაპირს.

ემალის აბაზანები:

• შესაძლებელია სოდისა და ძმრის ნაზავის გამოყენება ლაქების მოსაშორებლად.
• ემალი შეიძლება გატყდეს ან დაზიანდეს, ამიტომ გამოიყენეთ რბილი საწმენდი საშუალებები და ფრთხილად მოეპყარით ზედაპირს.

რომელია ლიდერი ბრენდები ბაზარზე და რომელი მათგანი ვიყიდო?

AQUANIL

• წარმოებულია თურქეთში და კარგად ცნობილია საქართველოს ბაზარზე.
• ამ ბრენდის მოდელები გამოირჩევა გამძლე მინის კედლებით;
• თუ მცირე ბიუჯეტი გაქვთ და ფასებსაც წინასწარ ადარებთ ერთმანეთს, შეგვიძლია ვთქვათ, რომ ბიუჯეტური ბრენდია, ხარისხი კი საშუალოზე მაღალი.

Roca

• ესპანური ბრენდი, ცნობილი თავისი წარმოებული პროდუქციის მაღალი ხარისხით.
• აქვს უდიდესი არჩევანი და შეგიძლიათ შეიძინოთ როგორც დუშკაბინა და აბაზანები, ასევე აქსესუარები თქვენი სახლისთვის.
• “როკას” ბრენდი თავის კონკურენტებს შორის გამოირჩევა დიზაინისა და გამძლეობის ბალანსით, ხშირად გამოიყენება ბიუჯეტურსა და საშუალო სეგმენტში.

Bosch

• აღნიშნული ბრენდი ძირითადად ცნობილია სამზარეულოს და სახლის ტექნიკის მიმართულებით, თუმცა მათ პროდუქციას შორის არის ე.წ სმარტ ფუნქციებით აღჭურვილი სისტემები და სანტექნიკა, (მაგალითად, წყლის გამაცხელებლები და ონკანები. ამიტომ თუ სახლისთვის მსგავსი ტიპის ნივთები დაგჭირდათ, “ბოში” იდეალური არჩევანია